SANTA LUCRIEZZA

Oh, cchi minzogna! Oh, cchi crudelitati

chi li successa a ssa serva di Dia!

Cumpari e cumpari si su’ (d) affruntati,

ha fattu fini la cum‑mari mia…

Cumpari, si mi dici a veritati,

1’haju di fari cumu dicu ia.

Cumpari, s’ u’ ll’averra scandagghiatu…

nemmenu ti dicerra ra bugia!

Tutta la notti si l’hanu cuntristata:

Jamu, Lucriezza mia, a ra Scavunìa? –

Jamu, Giulia mia, a ,ra Scavunìa,

sempr’adurandu ;la Matri di Dia

Quandu hanu arrivatu .a chira gghiesa

a pigghiau a Lucriezza a l’accidìu.

Gesù e Madonna, cchi maritu ngratu,

pur’i na santa puorti gelusia!

Si s’averra cumpissatu e cumunicatu,

mi la pierra impacienza di Dia!

Na fossa di carvuni cci ha cavatu

e zanchi e sterru i (d) ammenzu la via.

A l’ottu jorni di la matinata

è jjuta a Madonna di la Scavunia:

Lévati, Lucriezza mia. cumu na fata

morti facisti ppi d’amuri mia.

Lévati priestu e mìntati ncaminu,

ca la via di Tarantu amu i fari.

Arriedi a porta i Giuliu hanu arrivatu,

prima na botta a pua na truzzulata:

Tu si ncunu dimoniu, ncunu dannatu

e ssi vinutu nu’ mmi tenti a mia!

U’ ssugnu nè dimoniu nè dannatu,

Haiu purtatu a Lucriezza onurata,

adura a d’ iddra cchiù ch’aduri a mmiu.

Giuliu facci nterra s’ha jjttatu,

sempri adurandu la Matri di Dia.

Chiru cumpari chi m’ha nziniatu,

1’haju di fari cumu dicu ia.

Giuliu, nu’ ttuccari u Sangiuvanni,

ca chianu chianu lu castigu ia;

ca vacchi a bua ci nd’haju livatu

e mo lu cacciu d’ogni s’ignuria.

Quandu a Madonna pigghià ppi si ndi jiri,

Santa Lucriezza si misi d’a ciancìri.

Citu, Lucriezza mia nu’ cchiù ciancìri,

ca tre voti u juornu ti vegnu a truvari. ‑

Lascia un commento

Altro... carcagnuti, Sapienza Carcagnuta
Uagghjiu…Varrilli..e…Segge. ‘Ndrija

Uagghjiu…Varrilli..e…Segge. 'Ndrija

Chiudi